خستہ حال روڈ سے ہزاروں افراد پریشان

جموں و کشمیر کے ضلع پونچھ کے تحصیل منڈی کی پنچایت بیدار تا ڈنوگام جانے والی تین کلو میٹر سڑک شدید بارشوں کی وجہ سے پسیوں اور بڑے بڑے پتھروں کی ذد میں آکر خراب ہو چکی ہے۔

اس سڑک سے سے ڈنوگام کی پانچ ہزار عوام کو فائدہ ہوتا ہے۔ جو کہ اب پسی کی زد میں ہے۔

اس موقع پر فاروق احمد نے نمائندہ سے بات کرتے ہوئے کہا کہ یہ سڑک پانچ ہزار عوام پر مشتمل ہے اور اس سڑک پر پسی پڑنے کی وجہ سخت پریشانیوں سے دوچار ہونا پڑ رہا ہے۔ انہوں نے کہا کہ روڈ خراب ہونے کی وجہ سے یہاں کے بچوں اور نوجوانوں کو اسکول اور کالج جانے میں مشکلات کا سامنا ہے۔

مقامی باشندہ ارشاد احمد نے بات کرتے ہوئے کہا کہ اس سڑک سے ڈنوگام کی عوام کو بہت فائیدہ ملتا ہے لیکن پسی اور بڑے بڑے پھتر گرنے سے سڑک پوری طرح سے بند ہو چکی ہے۔ اس دوران بیمار مریضوں کو ہسپتال لیکر جانے میں راشن لانے میں سخت پریشانیاں درپیش ہیں۔

انہوں نے ضلع انتظامیہ سے اپیل کی ہے کہ ڈنوگام سڑک سے مشین لگواکر جلد از جلد صاف کروائی جائے تاکہ عوام کی عوام مشکلات کا ازالہ ہو سکے۔