سرحدی ضلع پونچھ کی تحصیل منڈی میں شیعہ مکتب فکر سے تعلق رکھنے والے نوجوانوں نے شہداء کربلا کی یاد میں سبیل کا اہتمام کیا گیا۔
نوجوانوں نے راہگیروں کو پانی اور مختلف مشروب پلانے کے علاوہ کورونا وائرس کو مدنظر رکھتے ہوئے ماسک بھی تقسیم کئے۔
سبیل کا اہتمام کرنے والے نوجوانوں نے بتایا کہ تین دن تک شہداء کربلا کو بھوکا اور پیاسا رکھا گیا تھا، جس کی یاد میں ہر سال محرم الحرام کے متربک ایام میں ’’سبیل‘‘ کا اہتمام کرکے کربلا کی یاد اور اسکے حقیقی پیغام کو تازہ کیا جاتا ہے۔
مزید پڑھیں: ’تعلیمی ادارے مسلسل بند ہونے سے طلبہ کا مستقبل تاریک نظر آ رہا ہے‘
انہوں نے کہا کہ واقعہ کربلا ہر دور اور ہر انسان کے لیے مشعل راہ ہے: ’’حضرت حسین رضی اللہ تعالیٰ عنہ اور انکے ساتھیوں نے ظلم کے آگے جھکنے کے بجائے موت کو گلے لگانے کو ترجیح دی تھی۔‘‘
