سرحدی ضلع پونچھ کی تحصیل منڈی کے بلاک لورن میں سرپنچ ایسوسی ایشن کی جانب سے نوجوانوں کو کھیل کود کی جانب راغب کرنے اور منشیات سے دور رکھنے کی غرض سے ایک کرکٹ ٹورنامنٹ کا انعقاد کیا گیا۔
ٹورنامنٹ میں کل 16 ٹیموں نے حصہ لیا اور جمعہ کو منڈی اور لورن کی ٹیموں کے درمیان فائنل میچ کھیلا گیا جس میں منڈی ٹیم نے چھ رنوں سے جیت درج کی ہے۔
ذرائع ابلاغ کے نمائندوں سے بات کرتے ہوئے کھلاڑیوں نے ٹورنامنٹ کے انعقاد پر منتظمین کا شکریہ ادا کرتے ہوئے کہا کہ ’’اس طرح کے ٹورنامنٹس سے نہ صرف کھلاڑیوں کو پلیٹ فارم حاصل ہوتا ہے بلکہ دیگر نوجوان بھی کھیل کود کی جانب راغب ہوتے ہیں۔‘‘
فائنل میچ میں ڈی وائی ایس پی پونچھ، تحصیلدار منڈی، ایس ایچ او لورن اور سماجی کارکنان کے علاوہ مقامی آبادی نے بھی فائنل میچ شرکت کرکے کھلاڑیوں کی حاصلہ افزائی کی۔
دریں اثناء، منتظمین نے کھیل کود کے حوالے سے مستقبل میں بھی ٹورنمانٹس کے انعقاد کا اعلان کیا۔