سرحدی ضلع پونچھ کے اعظم آباد، منڈی علاقے میں محکمۂ تعمیرات عامہ کے خلاف احتجاج کرتے ہوئے لوگوں نے تعمیر و ترقی کے لحاظ سے علاقے کو نظر انداز کرنے کا الزام عائد کیا۔
ضلع پونچھ میں محکمہ تعمیرات عامہ کے خلاف احتجاج
احتجاج کررہے لوگوں نے کہا کہ عرصۂ دراز سے علاقے میں سڑکوں کی میگڈیمائزیشن نہیں کی گئی جس سے عوام کو سخت مشکلات کا سامنا کرنا پڑرہا ہے۔
انہوں نے تفصیلات فراہم کرتے ہوئے کہا کہ تین کلومیٹر طویل مغل ڈاب - اعظم آباد سڑک کی حالت انتہائی ناگفتہ بہ ہے، سڑک پر جگہ جگہ گہرے گڑھے بنے ہوئے ہیں جس کے سبب لوگوں کو عبور و مرور میں دقتوں کا سامنا کرنا پڑرہا ہے۔