ضلع پونچھ کی تحصیل منڈی میں سول سوسائٹی ممبران نے عوامی اجلاس طلب کیا جس میں عوامی مسائل پر تفصیلی بات چیت کی گئی اور ان کے حل کے لئے انتظامیہ انتظامیہ سے اپیل کی گئی۔
پونچھ: سیول سوسائٹی کا اسکولوں میں تعلیمی سلسلہ شروع کیے جانے کی مانگ
سول سوسائٹی ممبران نے اجلاس کے دوران پہاڑی اور دور افتادہ علاقہ جات میں طلبہ کو ہو رہے تعلیمی نقصان پر افسوس کا اظہار کرتے ہوئے کہا گیا کہ سنہ 2020میں طلبا تقریبا ایک بھی دن اسکول نہیں گئے۔ رواں برس نصف سے زائد سال گزر چکا ہے جس سے طلباء کی پڑھائی بے حد متاثر ہو رہی ہے۔
انہوں نے کہا کہ دور دراز علاقہ جات میں بیشتر غریب اور پسماندہ افراد کے پاس اسمارٹ فون نہیں ہے اور مختلف علاقوں میں آج بھی موبائل نیٹ ورک میں مسائل و پریشانیوں کے سبب طلباء آن لائن درس و تدریس سے استفادہ حاصل کرنے قاصر ہیں۔