عوام کو درپیش مشکلات کا جلد ازالہ کیا جائے گا: ڈی سی پونچھ

سرحدی ضلع پونچھ میں منعقدہ عوامی دربار کے دوران سرپنچوں، سیول سوسائٹی ممبران سمیت سماجی کارکنان نے لوگوں کو درپیش پانی، بجلی اور راشن جیسی بنیادی ضروریات اور مسائل سے متعلق شکایات کیں۔

سرحدی ضلع پونچھ کے تحصیل آفس منڈی میں ضلع ترقیاتی کمشنر پونچھ کے علاوہ تحصیل و ضلع انتظامیہ سمیت مختلف محکمہ جات کے افسران نے عوامی دربار میں شرکت کی۔ عوامی دربار میں پنچایتی نمائندگان سمیت مقامی باشندوں کی خاصی تعداد نے بھی شرکت کی۔

سرپنچوں، سیول سوسائٹی ممبران سمیت دیگر سماجی کارکنان نے عوام کو درپیش بنیادی ضروریات سے متعلق شکایات کیں، جن میں ترقیاتی کاموں کی تعمیر میں سست رفتاری کے حوالے سخت تشویش کا اظہار کیا گیا۔

اس کے علاوہ راشن، پانی، بجلی، سڑک اور صحت کے حوالے سے دیگر بنیادی مسائل کو عوامی دربار میں ڈی سی پونچھ کو مطلع کیا گیا۔

ڈی سی پونچھ سمیت دیگر افسران نے لوگوں کو درپیش مسائل کا جلد ازالہ کیے جانے کی یقینی دہانی کی۔