LG Visits Hospital لیفٹیننٹ گورنر منوج سنہا زخمیوں سے ملنے پونچھ ہسپتال پہنچے

جموں و کشمیر کے ضلع پونچھ کے ساوجیاں علاقے میں ایک منی بس حادثہ کا شکار ہوگئی، حادثے میں اب تک 12 افراد کے ہلاک ہونے کی اطلاع ہے۔ جب کہ 27 افراد زخمی ہوئے جن میں کچھ سکولی بچے بھی شامل ہیں، وہیں لیفٹیننٹ گورنر منوج سنہا زخمیوں سے ملنے پونچھ ہسپتال پہنچے۔ Poonch Accident: LG Visits Hospital, Meets Injured

منڈی: ضلع پونچھ کی تحصیل منڈی کے سرحدی علاقہ ساوجیاں کے بریاڑی نالا مقام پر ایک منی بس حادثے کا شکار ہوگئی، جس کے نتیجے میں تقریباً اب تک 12 افراد ہلاک ہوچکے ہیں۔ جبکہ قریب 27 افراد زخمی ہیں، جنہیں مقامی لوگ اور بھارتی فوج جموں و کشمیر پولیس نے ریسکیو کرکے سب ضلع ہسپتال منڈی میں پہنچایا، جہاں بنیادی علاج و معالجہ کے بعد زخمیوں کو راجا سکھ دیو ہسپتال پونچھ ریفر کیا گیا۔ Bus Accident in Jammu & Kashmir's Poonch

اس دوران 6 افراد کو بذریعہ ہوائی جہاز گورنمنٹ میڈیکل کالج جموں بھی منتقل کیا گیا ہے۔ سرکاری ذرائع کے مطابق یہ بس ساوجیاں سے منڈی آرہی تھی کہ اچانک ساوجیاں کے بریاڑی علاقہ میں بس گہری کھائی میں جا گری، جس کے نتیجے میں 12 افراد ہلاک، جب کہ 27 افراد زخمی ہوئے، جن میں کچھ سکولی بچے بھی شامل ہیں۔

بتادیں جموں و کشمیر لیفٹیننٹ گورنر منوج سنہا پونچھ دورے پر ہیں، منوج سنہا ضلع ہسپتال پونچھ میں زخمیوں سے ملنے پہنچے۔ اس موقع پر انہوں نے ہلاک ہونے والے افراد کے لواحقین کو پانچ لاکھ اور زخمیوں کو ایک ایک لاکھ روپے بطور معاوضہ دینا کا اعلان کیا۔

واضح رہے کہ تحصیل منڈی کے مختلف مقامات پر سڑکوں کی خستہ حالی کی وجہ سے آئے روز حادثات کی خبریوں موصول ہوتی رہتی ہیں۔ دو ماہ قبل بھی بریاڑی نالا کے قریب ایک سومو گاڑی بھی حادثے کا شکار ہوئی گئی تھی، جس میں تقریباً چار افراد ہلاک ہوگئے تھے، باوجود اس کے تحصیل منڈی میں سڑکوں کی حالت جوں کی توں ہے'۔ LG Manoj Sinha visited District Hospital,Poonch