سرحدی ضلع پونچھ میں آج لاک ڈاؤن پر عمل نہیں کرنے والے لوگوں پر کاروائی کرتے ہوئے پولس نے انہں سڑکوں پر بیٹھا کر سخت ہدایت دے کر چھوڑ دیا ہے۔
پورے ملک میں لاک ڈاؤن کی طرز پر سرحدی ضلع پونچھ میں بھی لاک ڈاؤن نافذ ہے، لیکن لوگ حکومت کی ہدایت کی خلاف ورزی کرتے ہوئے سڑکوں پر گھومتے ہوئے دیکھے جا رہے ہیں۔
بلا ضرورت سڑکوں پر گھومنے والے لوگوں کے خلاف آج انتظامیہ نے کاروای کرتے ہوئے انہیں سڑکوں پر بیٹھایا اور سخت ہدایات کے بعد چھوڑ دیا۔ ایسے گھومنے والے لوگوں کو انتظامیہ نے کہا ہے کہ اگر آئندہ انہیں سڑکوں پر دیکھا جائے گا تو ان کے خلاف سخت کاروائی کی جائے گی۔
ضلع انتظامیہ نے انہیں کورونا وائرس کے تئیں بیداری کے تحت بہت ساری باتیں بھی بتائیں اور گھر میں رہنے کی اہمیت پر زور دیتے ہوئے کہا کہ اس سے آپ بھی محفوظ رہیں گے اور آپ کے گھر والے اور دیگر لوگ بھی اس وبا سے محفوظ رہیں گے۔