سرحدی ضلع پونچھ کی تحصیل منڈی کے گاؤں اڑائی کی پنچایت اڑائی ملکاں میں مین سڑک تا اڑائی موریاں جانے والی سڑک جس کا کام ٹی ایس پی پلان کے تحت شروع کیا گیا تھا۔ اسے گزشتہ برس سے ادھورا چھوڑ دیا گیا ہے۔
اس کی وجہ سے لوگوں کی زمینیں بھی برباد ہو رہی ہیں اور پیڑوں کا بھی بڑے پیمانے پر نقصان ہوا ہے۔ باجود اس کے سڑک کا کام جوں کا توں ہے۔
بارشوں کے دوران سڑک کا تمام کا تمام پانی سڑک سے ہوتے ہوئے لوگوں کی زمینوں میں جا رہا ہے اور فصلوں کو نقصان ہو رہا ہے۔
جس کی وجہ سے یہ سڑک ایک نالہ کی صورت اختیار کر چکی ہے۔ مقامی لوگوں نے کہا کہ لوگوں کے پاس اب نہ ہی زمین بچی اور نہ ہی سڑک بن پائى ہے۔
یہ بھی پڑھیں:
پونچھ: فرنیچر کی دکان میں آگ لگنے سے لاکھوں کا نقصان
اس حوالے سے طاہر محمود بانڈے، بدرالدین، اور جہانگیر احمد نے بات کرتے ہوئے کہا کہ 'سڑک بند کرکے احتجاج کرنے کا مقصد ہی یہی ہے کہ اس سڑک کو جلد سے جلد مکمل کیا جائے۔ لوگوں کو زمینوں اور پھلدار پیڑوں کا معاوضہ فراہم کیا جائے۔ اگر جلد از جلد سڑک کام مکمل نہ کیا گیا تو ہم سرکار کے خلاف مین سڑکوں پر اتریں گے'۔
ان کے علاوہ متعلقہ سرپنچ محمد اسلم ملک نے کہا کہ جن لوگوں کے مکان اور پھلدار پیڑ اس سڑک کی زد میں آئے ہیں ان لوگوں کو جلد از جلد مناسب معاؤضہ دیا جائے۔
انہوں مزید جانکاری دیتے ہوئے بتایا کہ اس سڑک کا ٹینڈر محکمہ پی ڈبلیو ڈی کے زیر اہتمام ہو چکا اور جلد ہی اس سڑک کا کام شروع کیا جائے گا۔
