PDP Press Conference In Mandi پی ڈی پی نے اپنی پارٹی کی جانب سے لگائے گئے الزامات کی تردید کی

ضلع پونچھ کے منڈی علاقے میں پیپلز ڈیموکریٹک پارٹی کی جانب سے ایک پریس کانفرنس کا اہتمام کیا گیا جس میں دیگر سیاسی پارٹیوں کی جانب سے پی ڈی پی پر لگائے گئے الزامات کی تردید کی گئی۔

منڈی:جموں وکشمیر میں سیاسی رسی کشی جاری ہے۔ گزشتہ دنوں اپنی پارٹی کے قائد سید الطاف بخاری کی جانب سے منڈی تحصیل میں منعقدہ ایک عوامی جلسہ کے دوران متضاد بیانات پر دیگر سیاسی جماعتوں نے شدید برہمی کا اظہار کرتے ہوئے ان کی جانب سے لگائے گیے تمام الزامات کو بے بنیاد اور بوکھلاہٹ قرار دیا۔ اسی سلسلے میں پی ڈی پی پارٹی کے سینئر کارکنان کی جانب سے منڈی میں ایک پریس کانفرنس کا اہتمام کیا۔ اس دوران پی ڈی پی کے سینیئر لیڈر شکیل احمد پرے کی قیادت میں ہنگامی پریس کانفرنس کی گئی جس میں جموں و کشمیر اپنی پارٹی کے صدر سید الطاف بخاری اور اپنی پارٹی کارکنان کے اجلاس کے دوران الزامات پر شدید رد عمل کا اظہار کرتے ہوئے کہا کہ ہم تمام تر لگائے گئے الزامات کو مسترد کرتے ہیں۔

انہوں نے کہا کہ ریاض آتش نے جو کہا کہ پی ڈی پی پارٹی مرحوم مفتی محمد سعید کے ساتھ ختم ہوچکی ہے۔ تو پھر ریاض آتش پی ڈی پی کی منظوری پر اوقاف ایڈمنیسٹریٹر کے عہدے پر کیوں رہے۔ انہوں نے کہا کہ یہ نہایت ہی افسوس کا مقام ہے کہ وزیر اعلی کا خواب دیکھنے والے رہنما ایک کریشر کا معاملہ لیکر عوامی چنیدہ نمائندوں پر الزام ٹہرایا رہے ہیں۔ انہوں نے کہا کہ اس کریشر سے سینکڑوں بے روزگاروں کو روزگار ملتا ہے۔

اس کے علاوہ جموں و کشمیر اپنی پارٹی کے صدر کی جانب سے کرپشن و متعدد جو الزامات لگاے گئے ہیں وہ بلکل بے بنیاد ہیں۔ ہم سب اس کی مذمت کرتے ہیں اگر واقع ہی عوام کے ہمدرد ہوتے تو یہاں ترقیاتی کاموں کی بات کرتے لیکن افسوس ایسا کچھ نہیں ہوا۔ انہوں نے کہا کہ ضلع پونچھ کے عوامی نمائندگان پر اس طرح سے اپنی پارٹی کے صدر کو الزامات عائد کرنے کا کوئی حق حاصل نہیں ہے۔ اور اگر ان کے پاس کوئی ثبوت ہے تو ثبوت لے کر آئے اور پھر بات کریں۔