پونچھ میں سڑک حادثہ، خاتون ہلاک دیگر تین زخمی

ایس ایچ او منڈی تلک راج نے بتایا کہ زخمیوں میں سے دو کو ضلع ہسپتال پونچھ منتقل کیا گیا ہے جبکہ ایک زخمی کو سب ضلع ہسپتال منڈی پہنچایا گیا ہے۔

جموں کے ضلع پونچھ میں اتوار کی صبح ایک سڑک حادثے میں ایک خاتون کی موت جبکہ دیگر تین مسافر زخمی ہوئے ہیں۔

ذرائع نے بتایا کہ پونچھ میں اتوار کی صبح قریب ساڑھے نو بجے ایک ٹا ٹا سومو گلی پنڈی سے منڈی کی طرف رواں دواں تھا کہ نور پور گلی پنڈی کے نزدیک وہ ایک گہری کھائی میں جا گرا جس کے نتیجے میں ایک خاتون کی بر سر موقع ہی موت واقع ہوئی جبکہ اس میں سوار دیگر تین مسافر زخمی ہوئے۔

مہلوک خاتون کی شناخت منزہ بی زوجہ جمال الدین ساکن گلی پنڈی کے بطور ہوئی ہے۔

ایس ایچ او منڈی تلک راج نے بتایا کہ زخمیوں میں سے دو کو ضلع ہسپتال پونچھ منتقل کیا گیا ہے جبکہ ایک زخمی سب ضلع ہسپتال منڈی پہنچایا گیا ہے۔

انہوں نے کہا کہ ہلاک شدہ خاتون کی لاش کو طبی و قانونی لوازمات کی ادائیگی کے بعد لواحقین کے حوالے کیا جائے گا۔