کھڑی کرماڑا میں مصطفی ویلفیئر سوسائٹی کی جانب سے مفت راشن کی تقسیم

جموں و کشمیر کے ضلع پونچھ کے سرحدی علاقہ کھڑی کرماڑا میں مصطفی ویلفیئر سوسائٹی کی جانب سے عوام میں اشیاء ضروریہ راشن، ماسک تقسیم کیے گئے اور لوگوں کو کووڈ سے بچاؤ کے لیے معلومات فراہم کی گئیں۔

ضلع پونچھ کے سرحدی علاقہ کھڑى کرماڑا میں مصطفی ویلفیئر سوسائٹی اپنے ممبران کے ہمراہ مفت راشن تقسیم کرنے پہنچی جسے دیکھ کر مقامی لوگ کافی خوش ہوئے۔

اس موقع پر مقامی لوگوں کا کہنا تھا کہ آج پہلى بار کوئی تنظیم ہمارے پاس آئى ہے۔ انہوں مصطفی ویلفیئر سوسائٹی کا شکریہ بھی ادا کیا۔ مقامی لوگوں نے دیگر فلاحی تنظیموں سے بھی اپیل کی کہ وہ بھی اس وبا کے دوران غریب، مزدور اور بیواؤں میں مفت راشن تقسیم کرکے تاکہ غریب کے گھر کا چولہا جلتا رہے۔'

ان کے علاوہ مصطفی ویلفیئر سوسائٹی کے صدر ایم ایم پٹھان نے کہاکہ مجھے اپنى ٹیم پر فخر ہے جو ہر وقت مستحقین کى مدد کے لیے تیار رہتے ہیں'۔

پٹھان نے مولانا حافظ مجید کا شکریہ ادا کرتے ہوئے کہا کہ ان کی جانب سے مصطفی ویلفیئر سوسائٹی تک مستحقین لوگوں کی فہرست پہنچائى گئی جس کے بعد ہماری ٹیم نے اس دوردراز علاقہ میں پہنچ کر ان غریب لوگوں میں مفت راشن تقسیم کیا۔

اس موقع پر سوسائٹی کہ ناىب صدر ایاز جٹ، چیف آرگنائزر بلال احمد شیخ، سپوکس پرسن علی راٹھور، اور چیف ایڈوائیزر جاوید اقبال تانترے موجود تھے۔