پونچھ میں طبی میڈیکل کیمپ کا انعقاد
پونچھ:جموں وکشمیر کے ضلع پونچھ میں محکمہ آیوش کی جانب سے منگل کو پونچھ نگر کے قریب سکھا کٹھہ پولیس چیک پوسٹ کے نزدیک ایک مفت میڈیکل کیمپ کا انعقاد عمل میں لایا گیا جس سے علاقے کے سینکڑوں مرد، خواتین اور بچوں نے استفادہ کیا۔ اس طبی کیمپ میں مفت ادویات بھی فراہم کی گئیں۔ اس موقعے پر لوگوں کو طبی طریقہ کار کے بارے میں آگاہ کرنے کے علاوہ انہیں قوت مدافعت بڑھانے والی ادویات بھی دی گئیں۔
اس فری میڈیکل کیمپ کے دوران وارڈ نمبر 1 کی کونسلر نیہا رانی اور سماجی کارکن ٹھاکر شیو رتن خصوصی طور پر موجود تھے جنہوں نے ضرورت مند غریبوں کو میڈیکل کیمپ تک پہنچنے کے لیے ٹرانسپورٹ کی سہولت فراہم کی اور معمر شہریوں کو میڈیکل کیمپ تک پہنچایا۔