پونچھ : منڈی مغل ڈاب تا اعظم آباد سڑک کی خستہ حالت عوام کے لئے پریشانیوں کا باعث

جالیاں مغل ڈاب تا اعظم آباد سڑک کا کام سنہ 2007 میں محکمہ پی ایم جی ایس وائی کے زیر اہتمام نباڑ اسکیم کے تحت شروع کیا گیا تھا۔ جو آج تک مکمل نہیں ہوا ہے۔

ضلع پونچھ کی تحصیل ‌منڈی کے جالیاں مغل ڈاب تا اعظم باد سڑک کا تعمیری کام عرصہ دراز سے سست روی کا شکار ہے۔ جس سے مسافروں کو سخت پریشانیوں کا سامنا کرنا پڑ رہا ہے۔

جالیاں مغل ڈاب تا اعظم آباد سڑک کا کام سنہ 2007 میں محکمہ پی ایم جی ایس وائی کے زیر اہتمام نباڑ اسکیم کے تحت شروع کیا گیا تھا۔ جو آج تک مکمل نہیں ہوا ہے۔

اس حوالے سے ایک مقامی باشندے منظور ملک نے کہا 'گزشتہ چودہ برسوں سے اس سڑک کا کام ابھی تک مکمل نہیں ہوا ہے۔ سڑک کے لیے مقامی عوام نے خوشی خوشی اپنی زمینیں وقف کیں، لیکن اس سڑک کا عوام کو کوئی فائدہ نہیں مل رہا ہے۔

وہیں لوگوں کو آج تک زمین کا معاوضہ بھی نہیں دیا گیا ہے۔ مقامی بزرگ عبد السبحان نے کہا کہ اس ترقی یافتہ دور میں بھی علاقے میں سڑک کی سہولیات میسر نہیں ہے۔ اس سے قبل بھی کئی بار انتظامیہ کے سامنے سڑک کا مسلہ اجاگر کیا گیا۔ تاہم انتظامیہ کے کان پر جوں تک نہیں رینگتی'۔

انہوں نے انتظامیہ سے ایک بار پھر اپیل کی کہ سڑک کی مرمت کی جائے تاکہ علاقے کے عوام کی مشکلات کا ازالہ ہو سکے۔