پونچھ میں تین درانداز ہلاک

پونچھ کے مینڈھر میں آج صبح سرحد پار سے جنگ بندی کی خلاف ورزی کرتے ہوئے بالاکوٹ سیکٹر میں گولہ باری کی گئی ہے۔

پاکستان کی جانب سے آج صبح دراندازوں کا ایک گروپ لائن آف کنٹرول پر بھارت میں داخل ہونے کی کوشش کررہا تھا لیکن بھارتی فوج نے بروقت کارروائی کرتے ہوئے تین دراندازوں کو ہلاک کردیا جبکہ متعدد فرار ہونے میں کامیاب ہوگئے۔

واضح رہے کہ اس سے قبل آج صبح سرحد پار سے جنگ بندی کی خلاف ورزی کرتے ہوئے مینڈھر اور بالاکوٹ سیکٹر میں گولہ باری بھی کی گئی تھی۔

اسی دوران پاکستان فوج نے بھارتیہ فوج کی اگلی چوکیوں کو نشانہ بنایا ہے۔ ذرائع کے مطابق 7 سے 8 مبینہ عسکریت پسند دراندازی کرنا چاہتے تھے، جس میں سے تین مبینہ عسکریت پسند کو بھارتیہ فوج نے ہلاک کر دیا اور چار دیگر فرار ہونے میں کامیاب ہو گئے۔ تاہم فوج کی جانب سے ابھی تک اس کی تصدیق نہیں کی گئی ہے۔

واضح ہو کہ آج صبح تقریباً ڈھائی گھنٹے دونوں جانب سے فائرنگ ہوتی رہی۔ ایسے میں پاکستان مسلسل فائرنگ کر کے مبینہ عسکریت پسند کو دراندازی کرانا چاہتا ہے۔ یہ گولہ باری مینڈھر اور بالاکوٹ سیکٹر میں ہوتی رہی۔

ذرائع کے مطابق عسکریت پسند دراندازی کی کوشش کر رہے تھے جسے بھارتیہ فوج نے ناکام کر دیا۔

اس کے ساتھ ہی ایل او سی کے مختلف علاقوں میں فوج اور پولیس کا مشترکہ سرچ آپریشن جاری ہے۔