مینڈھر میں 15 طلبا کو مفت سائیکل تقسیم

انڈین آرمی کی جانب سے مینڈھر میں ایک پروگرام کا اہتمام کیا گیا۔ اس پروگرام میں انڈین آرمی کی جانب سے پشماندہ طبقات کے طلبا میں سائیکل تقسیم کی گئی۔

مرکز کے زیر انتظام جموں و کشمیر کے ضلع پونچھ کے مینڈھر سب ڈویژن میں انڈو پاکستان لائن آف کنٹرول سے متصل مختلف دیہات کے 15 طلبا کو مفت سائیکل تقسیم کی گئی۔ ساتھ ہی آرمی افسران کی نگرانی میں '20 کلومیٹر کی سائیکل دوڑ' منعقد کی گئی۔

دراصل بدھ کے روز انڈین آرمی کی جانب سے مینڈھر میں ایک پروگرام کا اہتمام کیا گیا۔ اس پروگرام میں انڈین آرمی کی جانب سے پشماندہ طبقات کے طلبا کو تحفہ کے طور پر سائیکل دی گئی۔ پیسوں کی قلت کی وجہ سے وہ چھوٹے اور بڑے گھریلو کاموں کے لیے کئی کلومیٹر تک پیدل چلنے پر مجبور تھے۔

اس موقع پر، جہاں فوج کی جانب سے 15 طلبا کو سائیکل پیش کیے گئے وہیں '20 کلومیٹر کی سائیکل دوڑ' آرمی افسران کی نگرانی میں منعقد کی گئی۔

واضح رہے کہ فوج ہمیشہ عوام کے لیے اس طرح کے پروگرام منعقد کرواتی ہے تاکہ فوج اور عوام کے درمیان فاصلے کو کم کیا جا سکے اور بہتر تعلقات قائم کیے جا سکیں۔