زمینی تنازع پر دو کنبوں میں تصادم، ایک ہلاک

واقع کی اطلاع ملتے ہی ڈی ایس پی ہیڈ کوارٹر مدثر میر اور ایس ایچ او ایس ڈی جموال کی صدارت میں پولیس ٹیم موقع پر پہنچ گئی اور نعش کو قبضے میں لےلیا۔

جموں و کشمیر کے ضلع پونچھ کے سرحدی علاقے بانڈی چیچیا کی بستی کے پٹھانہ علاقہ میں اتوار کی صبح زمین کے تنازع پر دو کنبوں میں جھگڑا ہو گیا۔ اس دوران ایک شخص ہلاک ہوگیا۔

معلومات کے مطابق دونوں کنبوں میں کافی عرصے سے زمینی تنازع کو لے کر جھگڑا ہوا تھا اور اتوار کی صبح گھاس کٹائی کے دوران پھر سے تلخ کلامی ہوئی جس دوران 52 سالہ محمد یوسف پٹھان شدید زخمی ہوگیا۔ زخمی کو ہسپتال پنچایا گیا تاہم وہ زخموں سے جانبر نہ ہو سکا۔

واقع کی اطلاع ملتے ہی ڈی ایس پی ہیڈ کوارٹر مدثر میر اور ایس ایچ او ایس ڈی جموال کی صدارت میں پولیس ٹیم موقع پر پہنچ گئی اور نعش کو قبضے میں لیا۔

پولیس نے قانونی لوازمات پورے کرنے کے بعد نعش کو گھروالوں کے حوالے کر دیا۔ اس سلسلہ میں ایک کیس درج کر کے تحقیقا جاری کر دی گئی ہے۔