Fire Breaks Out in Poonch: ایل او سی کے پاس مینڈھر سیکٹر کے جنگلات میں پھر لگی آگ

جموں و کشمیر کے پونچھ ضلع میں مینڈھر سیکٹر کے جنگلات میں آگ بھڑک اٹھی ہے۔ یہ واقعہ دھرم شالہ علاقے میں لائن آف کنٹرول کے قریب پیش آیا۔ Forest Fire Breaks Out Near LoC فی الحال آگ پر قابو پانے کی کوشش جاری ہے۔

پونچھ: جموں و کشمیر کے پونچھ ضلع میں لائن آف کنٹرول کے قریب جنگلات میں ایک بار پھر آگ بھڑکنے کا واقعہ پیش آیا ہے Forest Fire Breaks Out Near LoC۔ یہاں مینڈھر کے دھرم شالا علاقے کے جنگلات میں آگ لگ گئی ہے۔ فی الحال آگ بجھانے کا کام جاری ہے۔ اس سے پہلے 18 مئی کو یہاں کے جنگلات میں زبردست آگ لگی تھی۔

سڑک کے کنارے لگی آگ پر فائر بریگیڈ کا عملہ کسی نہ کسی طرح قابو پا لیتا ہے، لیکن سڑک سے دور جنگلات میں لگی آگ پر قابو پانے میں محکمہ جنگلات اور مقامی لوگوں کو کافی پریشانی کا سامنا کرنا پڑ رہا ہے۔

پونچھ ضلع کے کئی جنگلات جیسے کرشنا گھاٹی، مینڈھر، کلائی، کنویا، بھینچ وغیرہ میں منگل کو بھی آگ بھڑک اٹھی۔گاؤں والے بھی آگ پر قابو پانے کی کوشش میں محکمہ فائر بریگیڈ کے ساتھ کوشش کر رہے ہیں۔ اطلاعات کے مطابق تقریباً 3 ہفتے قبل لائن آف کنٹرول کے قریب جنگل میں لگی آگ مینڈھر سیکٹر میں بھارتی سرحد تک تیزی سے پھیل گئی۔ اس دوران کئی بارودی سرنگ میں دھماکے ہوئے۔ حکام نے بتایا کہ آگ لگنے سے تقریباً نصف درجن بارودی سرنگیں پھٹ گئیں جو دراندازی کو روکنے کے لیے بنایا گیا تھا۔