پونچھ : ضلع ترقیاتی کمشنر نے یوم جمہوریہ کی تقریبات کی تیاریوں کا جائزہ لیا

یوم جمہوریہ کے روز تقریبات کے لیے مارچ پاسٹ و کلچرل پروگرامس منعقد کیے جائیں گے، تقریبات کی تیاریاں 24 جنوری کو مکمل کی جائیں گی، اور اس روز فُل ڈریس ریہارسل کا بھی اہتمام کیا جائے گا۔

صوبہ جموں کے ضلع پونچھ میں ضلع ترقیاتی کمشنر راہل یادو نے یومہ جمہوریہ کی تقریبات کی تیاریوں کا جائزہ لیا۔ اس دوران ایک میٹنگ بھی منعقد کی گئی۔ جس میں مختلف تقریبات کی تیاریوں کے سلسلے میں تبادلہ خیال ہوا۔

میٹنگ کے دوران ضلع ترقیاتی کمشنر نے کہا 'مرکزی پروگرام اسپورٹس اسٹیڈیم پونچھ میں منعقد کیا جائے گا۔ اس کے ساتھ ساتھ تحصیل سطح پر بھی پروگرام منعقد کیے جائیں گے'۔

انہوں نےکہا 'کورونا وائرس کے تعلق سے تمام احتیاطی تدابیر پر عمل کو یقینی بنایا جائے'۔ انہوں نے مختلف محکمہ جات کو ہدایت دی کے تقریب کے دوران عوام کو بنیادی سہولیات مہیا کرائی جائیں۔

چھبیس جنوری کے روز تقریبات کے لیے مارچ پاسٹ و کلچرل پروگرامس منعقد کیے جائیں گے، تقریبات کی تیاریاں 24 جنوری کو مکمل کی جائیں گی، اور اس روز فُل ڈریس ریہارسل کا بھی اہتمام کیا جائے گا۔

اس میٹنگ میں اے ڈی ڈی سی راشد چودھری، ایس ایس پی پونچھ رمیش انگرال، اے ڈی سی ڈاکٹر بشارت حسین، سی ایم او پونچھ غلام احمد ملک، ڈی پی ای او ڈی پی او اسرار احمد، ضلع کلچرل افسر علمدار عدم، ڈی وائی ایس او قاسم بھی موجود رہے۔