Derogatory Remarks Against Prophet: منڈی میں بند کال کا بھرپور اثر، تمام تر کاروباری سرگرمیاں ٹھپ

حضور پاک رسول ﷺ کی شان میں بی جے پی کارکنان کی جانب سے کہے گئے نازیبا الفاظ کو لیکر پورے ملک اور بیرون ممالک میں احتجاجی مظاہرے ہوئے۔ اسی سلسلہ میں ضلع پونچھ کی تحصیل منڈی میں بھی بند کال کا اعلان کیا گیا تھا۔ Protest in India over derogatory remarks against prophet

پونچھ:جموں و کشمیر کے ضلع پونچھ کے تحصیل منڈی میں جماعت اہل سنت صوبہ جموں کی جانب سے گزشتہ روز بند کال کا اعلان کیا گیا تھا۔ جہاں پورے خطہ پیر پنچال کے ساتھ ساتھ ضلع پونچھ کی تحصیل منڈی میں بھی بند کال کا بھرپور اثر دیکھنے کو ملا۔ اس دوران تمام تر کاروباری سرگرمیاں ٹھپ رہی اور گاڑیوں کی نقل و حرکت بھی بند رہی۔ صبح سے ہی موبائل انٹرنیٹ کی رفتار کافی کم کی کردی گئی تھی۔ completely shutdown in mandi tehsil

واضح رہے ایک ٹی وی ڈیبیٹ کے دوران نپور شرما کی جانب سے حضرت محمد ﷺ کی شان میں گستاخانہ الفاظ استعمال کیے گئے جس کو لیکر لوگوں میں شدید طور پر غم و غصہ پایا جارہا ہے۔ اسی سلسلہ میں تحصیل منڈی میں جماعت رضائے مصطفٰی منڈی اور تنظیم المومنین منڈی کی جانب سے سخت الفاظوں میں اس معاملہ کی مذمت کرتے ہوئے پرامن احتجاج بھی درج کروایا گیا۔

اس موقع پر ان کا کہنا تھا کہ 'مسلمان ہر بات برداشت کرسکتا ہے لیکن رسول ﷺ کی شان میں گستاخی کبھی برداشت نہیں کرسکتا۔ انہوں نے سرکار سے یہ اپیل کرتے ہوئے کہا کہ 'جن شرپسندوں نے حضرت محمد ﷺ کی شان میں گستاخانہ الفاظ استعمال کیے ہیں ان کے خلاف سخت سے سخت کارروائی عمل میں لائی جائے تاکہ ہر مذہب سے تعلق رکھنے والے لوگوں کا حکومت پر بھروسہ قائم اور دائم رہے۔'