پونچھ: مختلف اسکولز میں کمیونیٹی کلاسز کا انعقاد

عالمی وبا کورونا وائرس کے بھارت میں پھیلنے کے بعد سے ہی ملک کے تقریبا سبھی شعبہ جات متاثر ہوئے ہیں خاص طور پر تعلیمی ادارے اور اس میں زیر تعلیم طلبا وطالبات کی تعلیم کو بڑا دھچکا لگا ہے۔

مرکز کے زیر انتظام جموں وکشمیر کے ضلع پونچھ کے مختلف اسکولز میں اساتذہ کی جانب سے کمیونیٹی کلاسز کا انعقاد کیا جا رہا ہے، حالانکہ کورونا وائرس کی وبا کے پیش نظر ضلع بھر میں سبھی اسکولز اب بھی بند ہیں۔

کمیونٹی کلاسز میں اساتذہ، طلباء و طالبات

گزشتہ پانچ ماہ سے بھی زائد سے ملک کے سبھی تعلیمی ادارے بند ہیں ایسے میں کمیونٹی کلاسز کا انعقاد طلبا وطالبات کی تعلیم وترقی کے لیے ایک بہتر ذریعہ ہے۔

طلباء وطالبات کے ساتھ استاد

اس سلسلے میں ایک ٹیچر نے کہا کہ 'ہم طلبا کے نقصان کی تلافی کرنے کے لیے گزشتہ تین ماہ سے یہ کام کررہے ہیں، سب سے بڑی بات یہ ہے طلبا بھی اس میں کافی دلچسپی لے رہے ہیں، ان کی دلچسپی ہماری کوششوں کو کامیاب کر رہی ہے۔

استاد