پونچھ:جموں و کشمیر کے ضلع پونچھ کے ڈوگس علاقے میں منگل کے روز دوپہر کے بعد پلست ندی میں نہانے کے دوران بارہ سالہ بچہ ندی میں تیز پانی کی وجہ سے بہہ گیا۔ جس کی اطلاع ملتے ہی موقع پر پہنچی پولیس نے این ڈی آر ایف کی ٹیم کو موقع پر بُلایا اور دو روز سے ڈوگس سے لائن آف کنٹرول تک پلست ندی میں بچے کی لاش تلاش کی، لیکن کامیابی ہاتھ نہیں لگی۔ تیسرے روز بچے کی تلاش کے لیے فوج کے جوان ندی میں ریسکیو مہم چلا رہے ہیں لیکن تاحال انہیں بھی کوئی کامیابی نہیں ملی۔ Death of a child by drowning in a river in Poonch
ویڈیو دیکھیے۔
معلوم ہوکہ بارہ سالہ دامن شیخ ولد غلام رسول، ساکن چنڈی منڈ سُرکت دوپہر کھانا کھانے کے بعد محلے کے بچوں کے ساتھ پلست ندی میں نہانے چلا گیا جہاں گہرے پانی میں جانے کی وجہ سے وہ ڈوب گیا۔ اس کے بعد سے بچے کی برآمدگی کے لیے انتظامیہ کی طرف سے کوشش جاری ہیں۔ دامن شیخ اپنے کنبہ کے ساتھ عید کا تہوار منانے کے لیے پونچھ میں نانا کے گھر آیا ہوا تھا۔