پونچھ: مرکزی وزیر مملکت بی ایل ورما نے ترقیاتی کاموں کا جائزہ لیا

مرکزی حکومت کے 'جن سمپرک پروگرام' کے تحت مرکزی وزیر مملکت بی ایل ورما پونچھ ضلع کے دورہ پر پہنچے۔ اس موقع پر انہوں نے علاقے کے پنچ، سرپنچ، ڈی ڈی سی، بی ڈی سی کارکنان کے ساتھ میٹنگ کرکے ترقیاتی کاموں کا جائزہ لیا۔

مرکزی وزیر مملکت بی ایل ورما نے عام لوگوں سے ملاقات کی اور مرکزی حکومت کی طرف سے ضلع میں ہونے والے ترقیاتی کاموں کے بارے میں جانکاری لی۔ اپنے دورے کے دوران انہوں نے ضلع پونچھ کی تحصیل سرنکوٹ میں کئی سرکاری عمارتوں کا افتتاح کیا۔

پریس کانفرنس میں مرکزی وزیر مملکت بی ایل ورما نے کہا کہ وزیر اعظم نریندر مودی کی توجہ جموں و کشمیر کی ترقی پر ہے، اس کے لیے انہوں نے مرکزی حکومت کے وزراء کو دورہ کرنے کی ہدایات جاری کی ہے۔

انہوں نے بتایا کہ ہر ضلع کے پنچوں، سرپنچوں اور مقامی لوگوں سے ملاقات کے بعد مرکزی حکومت کو رپورٹ کرنی ہوتی ہے۔ جس کی بنیاد پر جموں و کشمیر کے تمام اضلاع کی ترقی کا منصوبہ تیار کیا جاءےگا، تاکہ علاقے کی ترقی ہو سکے۔