جموں و کشمیر کے سرحدی ضلع پونچھ میں ایل او سی کے کرشنا گھاٹی سیکٹر میں پاکستانی افواج نے ایک مرتبہ پھر جنگ بندی معاہدے کی خلاف ورزی کی ۔
جس دوران چھوٹے اور درمیانہ درجہ درجے کے ہتھیاروں کے ساتھ ساتھ مارٹر شیلنگ بھی ہوئی۔
تاہم گولہ باری سے کسی بھی جانی اور مالی نقصان کی کوئی اطلا ع نہیں ملی ہے۔
ایل او سی پر مسلسل جنگ بندی معاہدے کی خلاف ورزی کے پیش نظر لوگوں میں خوف و ہراس کی لہر دوڑ گئی جبکہ سرحدوں کے قریب رہائش پذیر لوگ نقل مکان کرنے کی سوچ رہے ہیں ۔
پولیس ذرائع کے مطابق، دونون ملکوں کی افواج کے درمیان گولہ باری تھمنے کا نام نہیں لے رہی ہے جبکہ جمعرات اور جمعہ کی درمیانی رات سرحدی ضلع پونچھ کے کر شنا گھاٹی سیکٹر میں پاکستانی افو اج نے چھوٹے اور درمیانہ درجہ کے ہتھیاروں کا استعمال کیا ۔
فائرنگ اور گولہ باری کا سلسلہ 12 بجکر 50 منٹ پر شروع ہو ا جو کہ ایک گھنٹے تک چلتا رہا۔ تاہم ابھی تک کسی بھی جانی اور مالی نقصان کی کوئی اطلا ع نہیں ملی ہے۔
انہوں نے بتایا کہ پاکستانی فوج نے شہری آبادی والے علاقوں پر بھی گولہ باری کی، تاہم بھارتی فوج نے بھی پا کستانی فائرنگ کا معقول جواب دیا۔
انہوں نے کہا کہ پاکستان کی گولہ باری کے باعث اِس پار کوئی جانی ومالی نقصان نہیں ہوا۔