پونچھ: سرحد پر گولہ باری سے مکان تباہ

گزشتہ ایک ہفتے سے پاکستان مسلسل مینڈھر کے بالاکوٹ اور مینڈھر سیکٹر میں گولہ باری کر رہا ہے جس کی وجہ سے مقامی لوگوں کو مشکلات کا سامنا کرنا پڑتا ہے۔

جمعہ اور سنیچر کی درمیانی رات کو پاکستانی افواج نے ایک بار مینڈھر اور بالاکوٹ میں زور دار گولہ باری کی جس کی زد میں آنے سے ایک مکان بری طرح تباہ ہو گیا جبکہ کوئی جانی نقصان نہیں ہوا ہے۔

پاکستانی گولہ باری کی وجہ سے علاقہ میں دہشت کا ماحول ہے اور لوگ گھروں میں چھپے ہوئے ہیں کیونکہ پاکستان کی جانب سے رات کو مارٹر شیلنگ کے ساتھ ساتھ توب کا بھی استعمال کیا گیا۔

پاکستانی گولہ باری کا بھارتی افواج نے بھی معقول جواب دیا۔

واضح رہے کہ پاکستان کی جانب سے گزشتہ کئی ہفتوں سے پونچھ ضلع میں لائن آف کنٹرول پر گولہ با ری کی جارہی ہے جس کی زد میں آنے سے کئی بار جانی اور مالی نقصان ہوا ہے۔