Narcotics Recovered in Poonch LoC: پونچھ کے ایل او سی کے قریب 44 کلوگرام منشیات برآمد

سکیورٹی فورسز نے ضلع پونچھ کے ایل او سی کے قریب تلاشی مہم کے دوران 44 کلو گرام منشیات برآمد کی ہے۔ فوج کو علاقہ میں مشکوک ںقل وحرکت کی اطلاع ملی تھی جس کے بعد فوج پولیس نے تلاشی مہم شروع کی تھی۔ Narcotics Recovered in Poonch LoC

جموں: صوبہ جموں کے سرحدی ضلع پونچھ کی حد متارکہ کے قریب سکیورٹی فورسز کی جانب سے چلائے جارہی تلاشی مہم کے دوران 44کلو گرام وزنی منشیات برآمد کر لی گئی۔سیکورٹی فورسز نے بتایا کہ خطہ میں مشکوک نقل و حرکت کی اطلاعات ملنے کے بعد گزشتہ کچھ دنوں سے ایک تلاشی مہم چلائی جارہی تھی ۔

انہوں نے بتایا کہ مذکورہ تلاشی مہم میں جموں وکشمیر پولیس کےساتھ ساتھ فوج کی خصوصی ٹیم شرکت کررہی تھی تاہم اس مہم کے دوران پونچھ سیکٹر کی حد متارکہ کے نزدیک سے جھاڑیوں میں رکھی گئی منشیات کو برآمد کر لیا گیا ہے۔

پونچھ کے ایل او سی کے قریب 44 کلوگرام منشیات برآمد

غور طلب ہے کہ گزشتہ کچھ عرصہ سے جموں صوبہ کی حد متارکہ اور بین الا قوامی سرحدی کے ذریعہ منشیات کی سمگلنگ کی کوششوں میں مسلسل اضافہ ہوتا جارہا ہے۔دفاعی ذرائع نے بتایا کہ علاقہ میں تلاشی مہم کو مسلسل جاری رکھا گیا ہے ۔