اڈیشہ : ہاتھی کے حملے میں دو افراد ہلاک، دو زخمی

اڈیشہ کے سنکھا چھلا گاؤں میں ایک ہاتھی نے چار افراد پر حملہ کردیا جس میں دو افراد ہلاک اور دو زخمی ہوگئے۔

ہلاک ہونے والوں کو ہاتھی نے کچل دیا جب وہ لوگ ہاتھی کو دھان کے کھیت سے دور بھگانے کی کوشش کررہے تھے۔

ایک شخص نے ہاتھی پر بانس سے حملہ کردیا جس کے بعد ہاتھی نے ان پر حملہ کردیا۔

زخمی ہونے والے دونوں افراد کو کٹک کے ایس سی بی میڈیکل کالج اور ہسپتال ریفر کیا گیا ہے۔