بھونیشور اور کٹک میں اولا کو ایمرجنسی خدمات کی اجازت

اڈیشہ محکمہ ٹرانسپورٹ نے لاک ڈاون کے دوران اولا کے ایک سو کیبس کو بھوبنیشور اور کٹک میں ایمرجنسی خدمات انجام دینے کی اجازت دی ہے۔

ٹرانسپورٹ کمشنر کے حکمنامہ میں کہا گیا ہے کہ ’جڑواں شہروں میں اولا عوام کو ایمرجنسی خدمات فراہم کرے گا جن میں ڈاکٹرز، نرس اور پیرا میڈیکل اسٹاف بھی شامل رہیں گے۔

اڈیشہ حکومت نے کورونا وائرس کے پھیلاؤں کو روکنے کےلیے لاک ڈاون کو 30 اپریل تک بڑھا دیا گیا ہے۔

ریجنل ٹرانسپورٹ آفس بھوبنیشور۔I اس سلسلہ میں ڈرائیورس کو پاس جاری کرےگا۔

ڈرائیور کو ہر ٹرپ سے پہلے مسافر کی فوٹو اور آئی ڈی اپ لوڈ کرنا ہوگا جبکہ شناختی کارڈ نہ رکھنے والے کو سفر کی اجازت نہیں ہوگی۔