Odisha Train Tragedy الیکٹرانک انٹرلاکنگ میں تبدیلی کی وجہ سے ٹرین سانحہ پیش آیا، مرکزی وزیر ریلوے

وزیر ریل اشونی وشنو نے ٹرین حادثہ پر افسوس کا اظہار کرتے ہوئے بتایا کہ ابتدائی تحقیقات کے مطابق یہ المناک ٹرین حادثہ الیکٹرانک انٹرلاکنگ میں تبدیلی کی وجہ سے پیش آیا۔ فی الحال توجہ سروس کی بحالی پر ہے۔ Accident happened due to change in electronic interlocking

بھونیشور: مرکزی وزیر ریلوے اشونی وشنو نے اوڈیشہ کے بالاسور میں رات بھر جاری رسکیو کے کام کا جائزہ لیا۔ ویشنو نے کہا کہ کمشنر آف ریلوے سیفٹی نے معاملے کی جانچ کی ہے۔ جانچ کی رپورٹ کا انتظار ہے لیکن ہم نے واقعے کی وجہ اور اس کے ذمہ دار لوگوں کی نشاندہی کر لی ہے۔ انہوں نے کہا کہ ابتدائی تحقیقات کے مطابق یہ المناک ٹرین حادثہ الیکٹرانک انٹرلاکنگ میں تبدیلی کی وجہ سے پیش آیا۔ وزیر ریلوے نے مزید کہا کہ فی الحال توجہ سروس کی بحالی پر ہے۔ آپ کو بتاتے چلیں کہ بالاسور میں دو مسافر ٹرینیں اور ایک مال گاڑی کے ٹکرانے کی وجہ سے خوفناک حادثہ پیش آیا۔ اس میں تقریباً 288 مسافروں کی موت ہو گئی۔ حادثے میں ایک ہزار سے زائد افراد زخمی ہوئے۔ وزارت ریل کے مطابق ہولناک حادثے کی جگہ پر مرمت کا کام جنگی پیمانے پر جاری ہے۔

ریلوے کے وزیر نے کہا کہ حادثے کی اصل وجہ کا پتہ چل گیا ہے۔ آج ٹریک پر سروس بحال ہونے کا امکان ہے۔ اشونی وشنو نے کہا کہ بدھ کی صبح تک سروس کو مکمل طور پر بحال کرنے کا ہدف ہے، تاکہ اس ٹریک پر ٹرینیں چل سکیں۔ پی ایم مودی نے ہفتہ کو جائے وقوعہ کا معائنہ کیا۔ ہم آج ٹریک کو بحال کرنے کی کوشش کریں گے۔ تمام لاشیں نکال لی گئی ہیں۔ انہوں نے کہا کہ ہمارا ہدف بدھ کی صبح تک بحالی کا کام مکمل کرنا ہے۔

وہیں ساؤتھ ایسٹرن ریلوے کے چیف پبلک ریلیشن آفیسر آدتیہ کمار چودھری نے بتایا کہ تباہ شدہ پٹریوں پر ٹریفک جلد ہی بحال کر دی جائے گی۔ دریں اثنا بالاسور سے متاثرہ مسافروں کو لے کر ایک خصوصی ٹرین چنئی ایم جی آر سنٹرل ریلوے اسٹیشن پہنچی۔ ایک رپورٹ میں حکام کے حوالے سے بتایا گیا کہ بالاسور ٹرین حادثے میں کل 1175 زخمی مسافروں کو مختلف سرکاری اور نجی اسپتالوں میں داخل کرایا گیا ہے۔