اوڈیشا کے پہلے لوک آیوکت کی تقرری

سابق چیف جسٹس اجیت سنگھ کو بھارتی ریاست اوڈیشا کا پہلا لوک آیوکت مقرر کیا گیا ہے۔

اجیت سنگھ گوہاٹی ہائی کورٹ کے چیف جسٹس کے عہدہ پر فائز تھے ، اب انہیں اوڈیشا کے لوک آیوکت کا پہلا چیر پرسن منتخب کیا گیا ہے۔

ریاست کے وزیراعلیٰ نوین پٹنائک کی سربراہی میں سلیکشن کمیٹی نے اجیت سنگھ کو اس عہدے پر نامزد کیا ہے۔

چیف سکریٹری آدیتہ پرساد پادھی نے کہا کہ "پینل نے اتفاق رائے سے اوڈیشا کے لوک آیوکت کے چیئرپرسن کا نام منتخب کیا۔

واضح رہے کہ سرکاری نوٹیفیکیشن ریاست کے گورنر پروفیسر گنیشی لال کی منظوری کے بعد جاری کی گئی۔