اڈیشہ میں کورونا متاثرین کی تعداد بڑھ کر 68 ہوئی

اڈیشہ میں کورونا وائرس (كووڈ -19) کے سات نئے کیسز سامنے آنے کے بعد متاثرین کی تعداد بڑھ کر 68 ہو گئی ہے۔

محکمہ اطلاعات و تعلقات عامہ کے ذرائع نے بتایا کہ بھدرك میں پانچ افراد اور بالاسور میں دو افراد میں انفیکشن کی تصدیق ہوئی ہے ۔ اب تک متاثرہ پائے گئے 68 افراد میں سے 24 افراد کو صحتیا ب ہونے کے بعد اسپتالوں سے فارغ کر دیا گیا ہے جبکہ 43 افراد زیر ِ علاج ہیں۔

ریاست میں کورونا سے اب تک صرف ایک شخص کی موت ہوئی ہے۔ اب تک ریاستی حکومت نے پوری ریاست میں 10641افراد کی جانچ کی ہے جن میں سے 10573 کی رپورٹ منفی آئی ہے۔ ریاست کے 30 میں سے صرف 10 اضلاع میں ہی کورونا کے معاملے سامنے آئے ہیں۔ بھدرك میں گزشتہ پندرہ دنوں میں کورونا وائرس کا ایک بھی کیسز سامنے نہیں آیا تھا لیکن پانچ نئے کیس سامنے آنے کے بعد پیر کے روز ضلع انتظامیہ نے پانچ گرام پنچایتوں کو ’ كنٹینمنٹ زون‘ قرار دے دیا ۔ سرکاری ذرائع نے بتایا کہ متاثرہ افراد کے رابطے میں آئے لوگوں کی شناخت کرنے کا کام شروع کر دیا گیا ہے اور متاثرہ افراد کو علاج کے لیے كووڈ اسپتال میں داخل کرایا جا رہا ہے۔