اڑیسہ میں کورونا کے 1193 نئے کیسز

اڈیشہ میں روزانہ کورونا کے معاملوں میں اضافہ ہو رہا ہے اور گزشتہ 24 گھنٹوں میں کورونا کے 1193 نئے معاملے درج ہوئے ہیں۔

سرکاری ذرائع نے بتایا کہ گزشتہ پانچ دنوں میں ریاست اڑیسہ میں کورونا کے مثبت کیسز میں اضافہ ہوا ہے اور 8 اگست کو ریاست میں کورونا کیسز کی تعداد گزشتہ 24 گھنٹوں میں بڑھ کر 1193 ہوگئی ہے۔

ذرائع نے بتایا کہ ان 1193 نئے کیسز میں سے 695 کیسز قرنطینہ مراکز سے موصول ہوئے ہیں جبکہ 498 کیسز مقامی ہیں اور یہ ریاست کے 30 اضلاع سے آئے ہیں۔

گزشتہ 24 گھنٹوں میں رپورٹ ہونے والے کل نئے کیسز میں سے 50 فیصد کا حصہ دو ساحلی اضلاع کھوردا اور کٹک سے ہے۔

انہوں نے بتایا کہ 'کھوردہ میں 425 نئے کیسز، کٹک میں 161 کیسز اور دیگر 28 اضلاع میں 100 سے کم کیسز رجسٹرڈ ہوئے ہیں۔

محکمہ صحت و خاندانی فلاح و بہبود کے ذرائع نے بتایا کہ 'ریاست کے مختلف ہسپتالوں میں کورونا کے 60 مریضوں کی موت ہوچکی ہے اور کورونا سے مرنے والے مریضوں کی کل تعداد بڑھ کر مجموعی طور سے 6757 ہوگئی ہے۔

ان مرنے والوں میں سب سے زیادہ 13 مریض ضلع بارہ گڑھ میں، 11 کٹک میں، چھ بولنگیر میں اور پانچ۔ پانچ جگت سنگھ پور، انگول اور سنبل پور اضلاع میں فوت ہوئے ہیں۔

(یو این آئی)