ہیپی دیوالی نہ بولنے پر تیز دھار ہتھیار سے نوجوان کا قتل

چاروں ملزمین نے سچن وشنو اور اس کے چھوٹے بھائی اجے وشنو کو ہیپی دیوالی کہنے کو کہا، دونوں نے ہیپی دیوالی کہنے سے انکار کیا تو ان کے درمیان نوک جھوک ہوگئی۔

ریاست مہاراشٹرا کے ضلع اورنگ آباد میں سڑک پر 'ہیپی دیوالی' نا بول پر ایک 28 سالہ شخص تیز دھار ہتھیار سے قتل کر دیا گیا۔

یہ واقعہ اورنگ آباد شہر کے نیان نگر گلی نمبر 11 میں پیش آیا۔ اس معاملے میں پنڈالیک نگر پولیس نے چار ملزمان کو گرفتار کر لیا ہے۔

پولیس کے مطابق سچن وشنو واگ اور اس کا چھوٹا بھائی اجے وشنو واگ گھر کے باہر کھڑے تھے اسی دوران چاروں ملزمین نیان نگر کے علاقے سے گزر رہے تھے۔

چاروں ملزمین نے سچن وشنو اور اس کے چھوٹے بھائی اجے وشنو کو ہیپی دیوالی کہنے کو کہا، دونوں نے ہیپی دیوالی کہنے سے انکار کیا تو ان کے درمیان نوک جھوک ہوگئی۔

بعد میں معاملہ اتنا بڑھ گیا کہ ملزمین نے سچن وشنو پر تیز دھار ہتھیار سے حملہ کر دیا جس میں سچن وشنو واگ شدید طور پر زخمی ہو گئے۔

جس کے بعد ان کو علاج کے لیے ہسپتال میں داخل کرایا گیا جہاں ان کی موت ہو گئی۔

سچن وشنو کی والدہ اور چھوٹے بھائی کے بیان پر پولیس نے ملزمین کے خلاف قتل کا مقدمہ درج کر لیا گیا۔

چاروں ملزمین کو پنڈالیک نگر پولیس نے گرفتار کیا ہے اور مزید تفتیش پنڈالیک نگر پولیس کررہی ہے۔