ٹرین میں نوجوان کے جان لیوا اسٹنٹ کے دوران موت

ممبئی کی لوکل ٹرین میں سفر کے دوران جان لیوا اسٹنٹ کرنے والے نوجوان کی کھمبا لگنے کی وجہ سے موت ہو گئی۔

مہلوک نوجوان کی شناخت 20 برس کے دلشاد خان کے طور پر ہوئی ہے۔ 21 جنوری کو دلشاد 21 برس کے ہونے والے تھے۔

گزشتہ جمعرات کو دلشاد اپنے دوستوں کے ساتھ بھائی کی شادی کے پیش نظر خریداری کرنے جا رہا تھا۔

اس دوران دیوا اور ممبرا کے قریب لوکل کے باہر لٹک کر سفر کرتے وقت اچانک ایک کھمبا آنے سے وہ اس سے ٹکرانے کی وجہ سے لوکل کے ڈبے سے گر گیا۔

یہ پورا واقعہ اس کے دوست موبائل کیمرے میں ریکارڈ کر رہے تھے جس سے دلشاد کے غلطی کرنے کی بات واضح ہو رہی ہے۔

دلشاد حال ہی میں ایک ایمبولنس میں ڈرائیور کے طور پر ملازمت پر لگا تھا۔