سیاسی مصبرین کے مطابق اس بار سرمائی اجلاس ناگپور نہیں بلکہ ممبئی منترالیہ میں ہونے کا امکان ہے کیونکہ کورونا کی وجہ سے بزنس ایڈوائزری کمیٹی کا اجلاس وقت پر نہیں ہوسکا۔ اس کے علاوہ کورونا کی وجہ سے موسم سرما کے سیشن کی تیاری کے لیے درکار وقت میسر نہیں ہے جس کی وجہ سے اب سیشن ناگپور کی بجائے ممبئی میں ہورہا ہے۔
اطلاعات کے مطابق مہاراشٹر اسمبلی کے اسپیکر نانا پٹولے بھی اس تناظر میں اپوزیشن پارٹی کے رہنماؤں سے بات کریں گے۔ اس وقت کورونا کی ایک اور لہر آنے کے امکان کو بھی نظر انداز نہیں کیا جاسکتا۔
اسی کے ساتھ ناگپور کے ایم ایل اے ہاسٹل کو کورونا سینٹر کے طور پر بھی استعمال کیا جاتا تھا جس کی وجہ سے متعدد ارکان اسمبلی اس جگہ پر قیام کرنے پر اعتراض کرتے نظر آرہے ہیں۔
ناگپور سیشن کو آسانی سے چلانے کے لیے درکار سازو سامان اور مشنری کو بھی ممبئی اور ناگپور منتقل کرنا پڑا۔ ناگپور میں کورونا بحران میں اتنے زیادہ لوگوں کا انتظام کرنا بھی بہت مشکل ہوگا تاہم اسپیکر نے کہا تھا کہ ناگپور میں 7 دسمبر سے سرمائی اجلاس منعقد ہوگا۔ یہی وجہ ہے کہ اجلاس کے دوران مقننہ میں کورونا سے تحفظ کے لیے منفی دباؤ کی سہولت فراہم کی جائے گی۔
