'بھارتی آئین کے مطابق حکومت کام کرے گی'

شیوسینا کے ہاؤس لیڈر ایکناتھ شندے نے بتایا کہ 'مہا وکاس اگھاڑی کی حکومت 'کامن منیمم پروگرام' کے تحت متحد ہوئی ہے۔'

انہوں نے بتایا کہ 'یہ حکومت بھارتی آئین اور اقدار کے مطابق کام کرے گی اور ہماری حکومت میں کسانوں اور ان کے مسائل کو ترجیح دی جائے گی۔'

شندے نے کہا کہ 'مہا وکاس اگھاڑی ریاست کو ترقی کی راہ پر گامزن کرنے کے عہد کی پابندی ہے۔'

شیوسینا کے سربراہ ادھو ٹھاکرے کے وزیر اعلیٰ کے طور پر حلف لینے سے قبل شیوسینا، نیشنلسٹ کانگریس پارٹی، کانگریس اور دیگر حلیف جماعتوں نے ایک پریس کانفرنس کا اہتمام کیا۔

اس پریس کانفرنس میں این سی پی کے ریاستی صدر جینت پاٹل، کانگریس کے رہنما بالا صاحب تھورات، این سی پی کے ترجمان نواب ملک اور شیوسینا کے رہنما ایکناتھ شندے نے مشترکہ طور پر میڈیا سے خطاب کیا۔

ایکناتھ شندے نے بتایا کہ 'کانگریس کی صدر سونیا گاندھی، این سی پی کے صدر شرد پوار اور شیوسینا کے سربراہ ادھو ٹھاکرے نے تفصیلی تبادلہ خیال کے بعد 'کامن منیمم پروگرام' تیار کیا ہے۔ ریاست کی نئی حکومت تمام سماج کے لوگوں کو ساتھ لے کر کام کرے گی اور ریاست کی ترقی کے لیے کام کرے گی۔'