بی جے پی کا ساورکر کو بھارت رتن دلانے کا وعدہ

مہاراشٹر میں اسمبلی انتخابات کی پولنگ سے چند روز قبل شیوسینا اور بی جے پی نے بھی اپنا انتخابی منشور جاری کر دیا ہے۔

بی جے پی کے انتخابی منشور میں 16 نکاتی پروگرامز پیش کیے گئے ہیں تو شیوسینا نے ہر حلقے کے لوگوں کو متوجہ کرنے کی کوشش کی ہے۔

شیوسینا نے دس روپے میں کھانے کی تھالی دینے کی بات بھی کہی ہے تو بی جے پی نے ساورکر کو بھارت رتن اعزاز دینے کی بات کہی ہے اور اسے اپنے انتخابی منشور میں ترجیح دی ہے۔

بی جے پی نے بھی اپنا انتخابی منشور جاری کر دیا

بی جے پی اور اس کی حلیف جماعت شیوسینا عرصہ دراز سے ساورکر کو بھارت رتن دینے کی وکالت کرتی رہی ہیں۔

بی جے پی نے انتخابی منشور میں ساورکر کے علاوہ ساوتری بائی پھولے کو بھی بھارت دلانے کا وعدہ کیا ہے۔

واضح رہے کہ بھارت کا اعلی ترین شہری اعزاز بھارت رتن کے لیے وزیراعظم اور صدر کی سفارش پر ہر برس تین ایوارڈ دیے جاتے ہیں۔

واضح رہے کہ ریاست میں شیوسینا اور بی جے پی متحدہ طور پر اسمبلی انتخابات لڑ رہی ہیں لیکن دونوں پارٹیوں نے الگ الگ انتخابی منشور جاری کیا ہے۔ شیوسینا نے پہلے اپنا انتخابی منشور جاری کیا اور اب بی جے پی نے بھی اپنا انتخابی منشور جاری کیا ہے۔