”کانگریس کی اعلی قیادت کے فیصلے کے بعد ہی ہم حتمی نتیجے پر پہنچیں گے”

نیشنلسٹ کانگریس پارٹی کے سینئر رہنما و رکن اسمبلی نواب ملک نے کہا کہ کانگریس پارٹی کے فیصلے کے بعد ہی شیوسینا کو حمایت دینے کا فیصلہ کیا جائے گا۔

مہاراشٹر میں حکومت سازی کے لیے قیاس آرائیوں کے بعد این سی پی رہنما نواب نے واضح کیا ہےکہ این سی پی نے شیوسینا کے ساتھ حکومت سازی سے متعلق کوئی بھی فیصلہ نہیں کیا ہے ۔

انہوں نے کہا کہ کانگریس ہماری اتحادی جماعت ہے اور ہم اس کے بغیر شیوسینا کی حمایت نہیں کرسکتے۔

انہوں نے مزید کہا کہ آج شام 4 بجے کانگریس کے سینئر رہنماؤں کی میٹنگ ہے اس میں جو بھی کانگریس کا فیصلہ ہوگا اس کے بعد حکومت سازی کا اعلان کیا جائے گا۔