Prithvi Shaw Attacked For Denying Selfie سیلفئی سے انکار کرنے پر کرکٹر پرتھوی شا پر بیس بال بیٹ سے حملے کی ناکام کوشش

ممبئی میں سیلفی سے انکار کرنے پرچند افراد نے بھارتی کرکٹر اور ممبئی رنجی ٹیم کے کپتان پرتھوی شاہ پربیس بال بیٹ سے حملہ کرنے کی کوشش کی۔کرکٹر پر حملہ کرنے کی ویڈیو سوشل میڈیا پر تیزی سے وارئرل ہوگئی۔

ممبئی:ریاست مہاراشٹر کے ممبئی میں سیلفی سے انکار کرنے پر چند افرادجس میں خواتین بھی شامل نے بھارتی کرکٹر اور ممبئی رنجی ٹیم کے کپتان پرتھوی شا پربیس بال بیٹ سے حملہ کرنے کی کوشش کی۔کرکٹر پر حملہ کرنے کی ویڈیو سوشل میڈیا پر تیزی سے وارئرل ہوگئی۔پولیس نے پورے معاملے کی تفتیش شروع کردی ہے۔ ذرائع کے مطابق گزشتہ شب یہ واقعہ اس وقت پیش آیا جب بھارتی کرکٹر پرتھوی شا نے مداحوں کے ساتھ تصاویر لینے سے انکار کردیا۔اس کے بعد ہندوستانی کرکٹر پرتھوی شا کی گاڑی کا پیچھا کیا گیا، جس کی کھڑکیوں کو بیس بال کے بلے سے توڑ دیا گیا۔

پولیس نے بھارتی کرکٹر پرتھوی شا پر حملہ کرنے اور گاڑی میں توڑ پھوڑ کرنے کے الزام میں آٹھ افراد کو گرفتار کیاہے۔ بتایا جاتا ہے کہ کرکٹر سے 50 ہزار روپے کا مطالبہ بھی کیا گیا تھا۔ پولیس نے بتایا کہ اس معاملے میں ملوث دو خواتین کی شناخت شوبھت ٹھاکر اور ثنا یا سپنا گل کے طور پر ہوئی ہے ۔اس معاملے میں ملوث دیگر لوگوں کی شناخت کرنے کی کوشش کی جا رہی ہے۔

شا کے دوست کی طرف سے رسمی شکایت درج کروائی گئی تھی، جو اس واقعے کے دوران اس کے ساتھ موجود تھا۔ تاہم، دونوں مبینہ حملہ آوروں نے شا پر مار پیٹ کرنے کا الزام لگایا ہے۔ ٹوٹی ہوئی ونڈشیلڈ اور پیسوں کی مانگ کے ساتھ شروع ہونے والا پورا واقعہ ممبئی کے اوشیوارا کے ایک پوش ہوٹل میں اس وقت شروع ہوا جب چند مداحوں نے شا سے سیلفی لینے کی درخواست کی۔