Virat Anushka Scooty Ride اسکوٹی پر سیروتفریح کرتے ہوئے وراٹ اور انوشکا کی ویڈیو وائرل

وراٹ کوہلی اور ان کی اہلیہ انوشکا شرما کا ایک ویڈیو کافی وائرل Virat and Anushka video viral ہو رہا ہے۔ کوہلی اپنی اہلیہ انوشکا کے ساتھ اسکوٹی پر گھومنے نکلے لیکن مداحوں نے انہیں پہچان لیا۔

ممبئی: سابق بھارتی کپتان وراٹ کوہلی گزشتہ کچھ عرصے سے بین الاقوامی کرکٹ میں اچھی کارکردگی کا مظاہرہ کرنے میں ناکام رہے ہیں۔ کوہلی کو زمبابوے کے خلاف ہونے والے سیریز میں آرام دیا گیا ہے۔ اسی دوران وراٹ کوہلی اور ان کی اہلیہ انوشکا شرما کا ایک ویڈیو کافی وائرل ہو رہا ہے۔ کوہلی اپنی اہلیہ انوشکا کے ساتھ اسکوٹی پر گھومنے نکلے لیکن مداحوں نے انہیں پہچان لیا۔ Virat and Anushka video viral

دراصل وراٹ اور انوشکا ایک اشتہار کی شوٹنگ کے لیے مڈ آئی لینڈ گئے تھے۔ وہاں سے واپسی کے دوران دونوں کو کالے رنگ کی اسکوٹی پر گھومتے ہوئے دیکھا گیا۔ وراٹ اور انوشکا سیاہ ہیلمٹ پہن کر گھوم رہے تھے۔ وراٹ اسکوٹی چلا رہے تھے جبکہ انوشکا پیچھے بیٹھی تھیں۔ انوشکا اور وراٹ کی تصاویر اور ویڈیوز خوب وائرل ہو رہی ہیں۔Virat Anushka Scooty Ride

کوہلی اس وقت کرکٹ کے میدان سے دور فیملی کے ساتھ وقت گزار رہے ہیں۔ وہ تقریباً تین سال سے بین الاقوامی کرکٹ میں سنچری بھی نہیں بنا سکے ہیں۔ وہیں انوشکا نے بھی فی الحال فلموں سے دوری بنا رکھی ہے۔ انوشکا ان دنوں کرکٹ کی پریکٹس کر رہی ہیں۔ اداکارہ اپنی فلم چک دا ایکسپریس کی تیاریاں کر رہی ہیں۔Virat Anushka Scooty Ride