ریاست مہاراشٹر کے اورنگ آباد میں مرکزی وزیر رامداس اٹھاولے نے پریس کانفرنس سے خطاب کرتے ہوئے کہا کہ 'مرکزی حکومت کسانوں کے ساتھ ہے اور کسانوں کے لئے جو تین قانون بنے ہیں، اس میں ترمیم جلد کی جائے گی۔
کسان قوانین میں ترمیم کی جائےگی: مرکزی وزیر انہوں نے کسانوں سے اپیل کرتے ہوئے کہا کہ 'وہ اپنا احتجاج واپس لے لیں، مرکزی حکومت کسانوں کے ساتھ ہے اور کسانوں کی ہر وقت مدد کرنے کے لئے تیار ہے، کسانوں کے لئے بنائے گئے قانون میں مرکزی حکومت جلد ہی ترمیم کرےگی۔'
وہیں شرد پوار کو کانگریس کا صدر بنانے کے معاملے پر رام داس نے کہا کہ 'کانگریس پارٹی کی طاقت بہت زیادہ ہے اور اگر شرد پوار کو صدر بننے کا موقع ملتا ہے تو یہ اچھی بات ہے لیکن کانگریس شرد پوار کو صدر نہیں بنائے گی۔'
یہ بھی پڑھیں: فریدآباد: شری دھام اکسپریس میں بم ملنے کی اطلاع سے افراتفری
مرکزی وزیر اٹھاولے نے کہا کہ 'جب شرد پوار کانگریس میں تھے تو ان کے ساتھ انصاف نہیں ہوا، جب انہیں وزیر اعظم بنانے اور کانگریس کا صدر بنانے کا وقت آیا تو کانگریس نے انہیں نہیں بنایا۔'
