Two youth arrested for controversial post یوم آزادی کے موقع پر متنازعہ پوسٹ کرنے کے الزام میں دو نوجوان گرفتار

ملک بھر میں 15 اگست کو یوم آزادی کے موقع پر جوش و خروش کے ساتھ تقاریب کا اہتمام کیا گیا۔ ہندو، مسلم، سکھ، عیسائی، سبھی مذہب کے افراد نے یوم آزادی کے موقع پر خوشی کا اظہار کیا اور جشن منایا۔ ایسے میں کچھ شرپسندوں کی جانب سے ماحول کو خراب کرنے کی کوشش کی گئی۔

ممبئی: ملک بھر میں 15 اگست کو یوم آزادی کے موقع پر جوش و خروش کے ساتھ تقاریب کا اہتمام کیا گیا۔ ہندو، مسلم، سکھ، عیسائی، سبھی مذہب کے افراد نے یوم آزادی کے موقع پر خوشی کا اظہار کیا اور جشن منایا۔ ایسے میں کچھ شرپسندوں کی جانب سے ماحول کو خراب کرنے کی کوشش کی گئی۔ مہاراشٹر کے بلڈھانہ میں ایک نوجوان نے مبینہ طور پر اپنے انسٹاگرام اکاؤنٹ پر پڑوسی ملک کے یوم آزادی کے موقع پر پاکستانی پرچم کے ساتھ یوم آزادی کی مبارکباد دیتے ہوئے پوسٹ کیا اور پاکستان کی آزادی پر فخر کا اظہار کیا، جس کے بعد کچھ ہندو تنظیموں نے ہنگامہ کھڑا کردیا۔ ویڈیو وائرل ہونے کے بعد پولیس نے فوری طور پر ملزم کے خلاف ایف آئی آر درج کرکے اسے گرفتار کرلیا۔

اطلاعات کے مطابق ملزم مزمل خان نامی نوجوان نے اپنے انسٹاگرام اکاؤنٹ پر پوسٹ کیا کہ ’پاکستانی ہونے پر فخر ہے‘۔ اس نوجوان نے پاکستانیوں کو یوم آزادی کی مبارکباد بھی دی۔ اس کا متنازعہ پوسٹ وائرل ہونے کے بعد پولیس نے ملزم کو گرفتار کرلیا۔ علاقہ میں بڑھتی کشیدگی کو دیکھتے ہوئے پولیس نے سیکورٹی سخت کردی تاہم پولیس عہدیدار نے بتایا کہ صورتحال اب مکمل طور پر قابو میں ہے۔

ایک اور اسی طرح کا مہاراشٹرا کے ممبئی میں پیش آیا۔ ایک نوجوان علامہ اقبال کا شعر اسٹیٹس پر رکھنا بھاری پڑگیا۔ پولیس نے نوجوان کے خلاف متعد دفعات کے تحت ایف آئی آر درج کرتے ہوئے اسے گرفتار کر لیا۔ تفصیلات میں بتایا گیا کہ ممبئی سے متصل تھانے ضلع کے مدھیہ ورتی پولیس تھانے الہاس نگر میں بجرنگ دل کے کارکن منوج رام صورت گوڑ نے پولیس تھانے میں اس بات کی شکایت کی کہ اُسکے ایک جاننے والے نے ملک کے خلاف ایک پوسٹ اپنے اسٹیٹس پر شیر کیا ہے جس میں علامہ اقبال کا یہ شعر موت لکھی تھی کہہ کر نادان، مصیبت آنے والی ہے۔۔تیری بربادیوں کے مشورے ہیں آسمانوں میں۔۔نہ سمجھوگے تو مٹ جاؤگے، اے ہندوستاں والوں۔۔تمہاری داستاں تک بھی نہ ہوگی داستانوں میں۔۔شیئر کیا تھا۔

سینئیر پولیس انسپکٹر مدھوکر کڈ نے بتایا کہ بجرنگ دل کارکن نے پولیس تھانے میں شکایت کی تھی جس کے بعد پولیس نے دفعہ 153 اے (1) (بی) اور 505 (2) کے تحت ایف آئی درج کرتے ہوئے ملزم کو گرفتار کرلیا۔