مہاراشٹر کے ضلع ناگپور کے رامٹیک گاؤں میں ایک پچاس فٹ گہرے بور ویل میں گرنے والے دو سالہ بچے کو جمعرات کی شام بچالیا گیا۔
اطلاعات کے مطابق متاثرہ بچے کی شناخت دیوا ڈونڈا کے نام سے ہوئی ہے۔ جو دوسرے بچوں کے ساتھ کھیلتے وقت بور ویل میں گر گیا تھا۔
مقامی شخص کرشنا پاٹل نے کہا کہ” ہم قریبی کھیتوں میں کام کر رہے تھے۔ جیسے ہی ہمیں اس واقعے کا علم ہوا، ہم نے جلدی سے جائے وقوعہ پر جاکر امدادی کارروائی شروع کی۔ مقامی لوگوں اور جیون سرکشا سنگھٹن کی مدد سے بالآخر ہم بچے کو بحفاظت بازیاب کرانے میں کامیاب ہوگئے۔''
انہوں نے بتایا کہ بچے کو بورویل سے نکال کر فوری طور پر اسپتال منتقل کیا گیا جہاں اس کا علاج جاری ہے۔