ریاست مہاراشٹر کے اورنگ آباد کے گھاٹی سرکاری اسپتال میں آکسیجن پلانٹ میں توسیع کی گئی ہے۔ مجلس اتحاد المسلمین کے ایم پی اور اعلی حکام کی موجودگی میں دو آکسیجن ٹینک نصب کئے گئے ہیں۔جس کے بعد اب گھاٹی سرکاری اسپتال میں ڈھائی سو اضافی بیڈ کی گنجائش ہوگئی ہے۔
اورنگ آباد کے گھاٹی دواخانے میں دو آکسیجن ٹینک نصب کیے گئے ہیں۔ اس موقع پر اورنگ آباد کے رکن پارلیمان امتیاز جلیل ، ضلع کلکٹر سنیل چوہان اور میڈیکل ڈین موجود تھے ۔ اضافی آکسیجن ٹینک نصب کرنے کی وجہ سے اب گھاٹی دواخانے کے سپر اسپیشلیٹی وارڈ میں دو سو سے ڈھائی سو بیڈ کی گنجائش ہوگئی ہے۔ اس طرح مستقبل میں گھاٹی اسپتال میں کورونا کے مریضوں کو آکسیجن کی کمی نہیں ہوگی۔
اس موقع پر ایم پی امتیاز جلیل نے ضلع کے اعلی حکام کی جدوجہد کی ستائش کی اور مریضوں کے رشتہ داروں سے اپیل کی کہ وہ ڈاکٹروں اور طبی عملے کے ساتھ تعاون کریں تاکہ مصیبت کی اس گھڑی میں ایک دوسری کی مدد سے حالات پر قابو پایا جا سکے ۔