ٹی وی اداکار سمیر شرما نے خود کشی کر لی

دل کیا چاہتا ہے، کہانی گھر گھر کی، یہ رشتے ہیں پیار کے جیسے مشہور ٹی وی سیریئلز میں سمیر شرما نے کام کیا تھا۔

ٹی وی اداکار سمیر شرما بدھ کی شب ممبئی میں اپنے گھر کے کچن کی چھت سے لٹکے ہوئے پائے گئے۔ 44 سالہ اداکار نے مبینہ طور پر ملاڈ ویسٹ کی نیہا سی ایچ ایس عمارت میں واقع اپنے فلیٹ میں خودکشی کر لی۔

اطلاعات کے مطابق مذکورہ عمارت کے چوکیدار نے اداکار کی لاش کو چھت سے لٹکے ہوئے دیکھا جب وہ رات کے وقت ٹہل رہے تھے۔

چوکیدار نے بلڈنگ سپروائزر کو اطلاع دی جس نے پولیس کو واقعے کی اطلاع دی۔ اپارٹمنٹ میں پولیس کو کوئی سوسائڈ نوٹ نہیں ملا۔