کورونا وائرس کے اس دور میں سب سے زیادہ ریاست مہاراشٹر متاثر ہے جہاں روزانہ اوسطاً 50 ہزار سے زائد کیسز آرہے ہیں اور اس پر ستم ظریفی یہ کہ آکسیجن کی قلت کی وجہ سے اموات بھی ہو رہی ہیں۔
ایسے میں مہاراشٹر کے شہر ناگپور کے رہنے والے ٹرانسپورٹ کاروباری پیارے خان نے آکسیجن کی قلت کو دیکھتے ہوئے 32 ٹینک آکسیجن ڈونیٹ کر کے انسانیت کی مثال قائم کی۔
آکسیجن ٹینکروں کی کمی کی وجہ سے مہاراشٹر میں صورتحال تشویشناک ہوگئی ہے اور اس کے لیے مرکزی وزیر نتن گڈکری کی مدد سے دوسری ریاستوں سے آکسیجن کے 10 ٹینکر ملے۔ یہ آکسیجن کی پہلی کھیپ جس سے شہر کے ہستالوں میں آکسیجن کی فراہمی میں مدد ملے گی۔
پیارے خان اور وسیم خان کو اس مشکل وقت کے دوران مختلف ریاستوں سے دس ٹینکر ملے۔
پیارے خان نے کہا کہ ایک ٹرانسپورٹر کی حیثیت سے میں نیشنل ایسوسی ایشن کا ممبر ہوں۔ میں اس کے بارے میں سب کو جانتا ہوں۔ میں نے یہ معلوم کرنے کے لیے فون کیا کہ پورے ملک میں ٹینکر کیسے مل سکتے ہیں اور 10 ٹینکر دستیاب ہوگئے۔
بی جے پی کے شہری صدر اور ایم ایل اے پروین ڈٹکے نے کہا کہ مرکزی وزیر نتن گڈکری کی کاوشوں سے آکسیجن فراہم کرنے کا منصوبہ بنایا گیا۔ اب جب ٹینکر دستیاب ہیں۔ انتظامیہ، کلکٹر کے توسط سے اس کی قلت پر قابو کر لیں گے۔ اس سے نقل و حمل کے پیشہ ور افراد کی کاوشیں قابل قدر ہوگئیں۔
واضح رہے کہ آکسیجن کی کمی کی وجہ سے ملک میں ہاہاکار مچا ہوا ہے اور کئی مریضوں کی جان بھی جاچکی ہے۔ ایسی صورتحال میں پیارے خان کی کوششیں یقیناً کسی کورونا واریئر سے کم نہیں ہیں۔
