Dewnar Mandi In Mumbai دیونار منڈی کا نظم نسق بہتر رہے گا: کلیم پاشا پٹھان

دیونار منڈی میں مویشیوں کی آمد شروع ہوگئی ہے ممبئی اور اس سے متصل دوسری ریاستوں سے تاجر اپنے مویشیوں کے ساتھ اس منڈی میں داخل ہو رہے ہیں۔ اس موقع پر تاجر، سیاسی اور سماجی کارکنان نے بی ایم سی کمشنر سے ملاقات کے دوران 14 ایسی خامیوں کا ذکر کیا جسکا حل نکالنے کے لیے بی ایم سی نے حامی بھری تھی جسکے بعد آج اُنہیں لوگوں نے دیونار منڈی کا جائزہ لیا-

ممبئی:ملک کی دوسری ریاستوں کی طرح ریاست مہاراشٹر کے ممبئی میں قربانی سے قبل مویشیوں کی منڈی لگنے لگی ہے۔ممبئی اور اس سے متصل علاقوں سے تاجروں کے مویشیوں کے ساتھ منڈی میں آنے کا سلسلہ جاری ہے۔ممبئی میں موجود سیاسی اور سماجی کارکنان نے گزشتہ برس اس منڈی میں۔ ہونے والی بدنظمی کو لیکر این سی پی صدر شردپوار سے ملاقات کی۔ اس کے بعد بی ایم سی کمشنر سے ملاقات کے دوران درپیش مسائل کا ذکر کیا جسکا حل نکالنے کے لیے بی ایم سی نے حامی بھری تھی۔

وسیع و عریض علاقے میں پھیلے دیونار منڈی میں بڑے پیمانے پر جانوروں کے تاجر اپنے جانوروں کے ساتھ داخل ہو رہے ہیں ۔گجرات۔راجستھان۔اتر پردیش۔مدھیہ پردیش سمیت دوسری کئی ریاستوں سے بکروں کو یہاں لا کر فروخت کیا جاتا ہے۔گزشتہ برس بارش کے سبب یہاں بڑی دقتیں پیش آئی تھیں جس کو وجہ سے تاجروں کو پریشانیوں کا سامنا کرنا پڑا۔ اس لئے اس بار سیاسی اور سماجی کارکنان نے ان پریشانیوں کا حل نکالنے کے لیے کمر کس لی۔

حال ہی میں این سی پی رہنما سلیم سارنگ کی ٹیم نے اس بارے میں شرد پوار سے ملاقات کی جسکے بعد اس منڈی سے جڑے مسائل سے اُنہوں نے آگاہ کیا۔بی ایم سی کمشنر کے ساتھ ہونے والی میٹنگ میں سلیم سارنگ نے 15 خامیوں پر زور دیتے ہوئے اسکا ازالہ نکالنے پر اور دیا جسکے بعد آج سیاسی اور سماجی تنظیموں نے یہاں کا جائزہ لیا۔

ایم اے خالد نے کہا کہ منڈی میں ممبئی اور مضافات کے لوگ قربانی کے جانوروں کی خریداری کی غرض سے آتے ہیں اسلئے ہماری یہ ذمےداری ہوتی ہے کی اُنہیں ہونے والی دقتوں سے بچایا جائے تاکہ منڈی میں لوگ زیادہ سے زیادہ آئیں اور حکومت کی جانب سے ملنے والی سہولت کا فائدہ اٹھائیں۔ ایم اے خالد نے کہا کہ ہم نے جن خامیوں کا ذکر کیا تھا اُن کا حل نکالا گیا ہے۔ ہم نے ان سب کا جائزہ لیا۔

وہیں دوسری ریاستوں سے منڈی میں آنے والے تاجروں سے اس بارے میں بات چیت کی جنہوں نے دیونار منڈی میں ہونے والے انتظامات کی تعریف کی۔دیونار منڈی میں انچارج کلیم پاشا پٹھان نے اس بارے میں کہا کہ ہم تاجروں اور قربانی کے جانوروں کی خریدوفروخت کرنے والوں کے لیے بنیادی انتظامات کیے جن خامیوں کہ ذکر کیا گیا ہے۔ ہم نے اُنہیں بھی دور کرنے کی ہر ممکن کوشش کی ہے اس بار قربانی کے موقع پر کسی بھی طرح کی دقت نہیں ہوگی۔ آپکو بتا دیں کو ہر برس یہاں لاکھوں جانور فروخت کیے جاتے ہیں کورونا کا اثر اس منڈی پر بھی ہوا جسکے بعد تاجروں کی کمی دیکھی گئی ہے لیکن اب حالات حسب معمول ہیں۔