تھانے شہر کے ڈھوکالی ناکہ پر موجود سپت شری ہائٹس نامی عمارت کے سیوریج کو صاف کرنے کے لیے دیر رات ملازمین ٹینک کے اندرگئے تھے جس میں دم گھٹنے سے سبھی کی طبیعت بگڑنے لگی جس میں امیت پہول (20)، امن بادل (21)،اجئے بوبانک (24) کی اندر ہی دم گھٹنے سے موت ہوگئی۔
جب کہ دیگر پانچ ملازمیں وریندر ہاتھوال ،منجیت ویدھ،جسبیر پہول ، سمر پہول، اجئے پہول کو صحیح سلامت ٹینک سے باہر نکال کر میٹرو ہسپتال بھیج دیا گیا ہے جہاں انکی حالت بہتر ہے۔
واضح رہے کہ یہ سبھی ملازمین ریاست ہریانہ کے رہنے والے ہیں اور ممبئی کے بھیندر میں اجئے بھگوان باگول نامی ٹھیکیدار کے یہاں کام کرتے ہے یہ ملازمین صاف صفائی ، ٹینک صفائی کا کام کیا کرتے تھے۔
رات میں تقریباً 8 بجے یہ مزدور ٹینک صفائی کے لئے اندر گئے تھے اور 12 بجے ان ملازمین کی حالت بگڑنے لگی جب انھیں باہر نکالا گیا تو تین کی موت ہوچکی تھی۔
اطلاع ملتے ہیں تھانے فائر بریگیڈ عملہ ، ڈیژاسٹر ٹیم و پولیس بھی جائے حادثہ پر پہنچی لاش کا پنچنامہ کر پوسٹ مارٹم کے لیے بھیج دیا گیا ہے تھانے پولیس نے معاملہ درج کر تفتیش شروع کردی ہے ۔