تھانے: پیڑول ڈیزل میں اضافہ کے خلاف ایم این ایس کا منفرد احتجاج

ریاست مہاراشٹر کے دارالحکومت ممبئی سے متصل تھانے میں مہاراشٹر نونرمان سینا کے کارکنان نے پیڑول ڈیزل کی بڑھتی قیمتوں کے خلاف منفرد احتجاج کیا۔

کورونا وائرس وبا ، لاک ڈاؤن اور اب پیڑول ڈیزل کی بڑھتی قیمتوں سے ان دنوں عام شہری پریشان ہے۔

منگل کو مہاراشٹر نونرمان سینا کے کارکنان نے پیڑول ڈیزل کی قیمتوں میں ہونے والے اضافہ کو لیکر تھانے شہر میں ایک موٹر سائیکل کو ہاتھ گاڑی پر رکھ کر شہر بھر میں احتجاج کیا۔

کارکنان نے مرکزی حکومت کے خلاف جم کر نعرے بازی کی۔ پیٹرول ڈیزل کی قیمتوں سے پریشان شہریوں کو منفرد احتجاج کے ذریعے اپنی جانب متوجہ کیا۔

ایم ایس کارکنان نے مرکزی حکومت سے مطالبہ کیا کہ فوراً اضافی قیمت کو واپس لیا جائے تاکہ ایندھن میں آنے والی مہنگائی سے عام شہریوں کو راحت مل سکے۔