مہاراشٹر کے ممبئی سئ متصل تھانے ضلع میں کورونا وائرس کے بڑھتے اثرات کے پیش نظر شہر کے کئی ہسپتالوں کو کورونا ہسپتال میں تبدیل کردیا گیا ۔
اسی طرح ممبرا کا کالسیکر اسپتال ک سیل ہونے سے اس خطہ کے کافی ڈائیلاسیس مریضوں کو پریشانیوں کا سامنا کرنا پڑ رہا ہے ٹی ایم سی کے ماتحت علاقوں میں ڈائیلاسیس مریضوں کی تعداد سیکڑوں میں ہونے سے مقامی رکن پارلیمان ڈاکٹر شری کانت شندے نے اس کو سنجیدگی سے لیا ۔
فوری طور پر تمام ڈائیلاسیس مریضوں کی فہرست تیار کر انھیں لاک ڈاون کے حالات میں مفت ڈائیلاسیس خدمات فراہم کرنے کا حکم تھانے میونسپل کارپوریشن کو دیتے ہوئے ایک ہنگامی میٹنگ طلب کی جس میں مئیر نریش مہکسے ،این سی پی کے گروپ لیڈر و سینئر کارپوریٹر نجیب ملا،ڈپٹی میونسپل کمشنر منیش جوشی،سندیپ مالوی ودیگر موجود تھے۔
انہوں نے بتایا گیا کہ ممبرا کے کالسیکر اسپتال میں تقریباً50سے بھی زائد مریض ڈائیلاسیس کرواتے تھے اسکے علاوہ متعدد اسپتالوں میں جاتے تھے لہذا ان سب کے لئے تھانے کہ واڈیا اسپتال،کوپری میں لکھیم چند فتیم چند اسپتال،حضوری میں جیتو اسپتالوں میں اہتمام کیا گیا ۔
اس دوران کالسیکر اسپتال کے تمام مریضوں کی فہرست بھی ٹی ایم سی نے طلب کی ہے اور انھیں باقاعدہ کال کر کے بتایا جائے گا کہ انکا ڈائیلاسیس اب تھانے میں ہوگا اور انھیں گھر سے لانے اور پہچانے کی مفت سہولت ہوگی ۔
کن پارلیمنٹ شری کانت شندے نے بتایا کہ ممبر اکے تمام مریضوں کے لئے ٹی ایم سی کی جانب سے تین بڑے ایمبولینس تعینات کئے جائیںگے انکے نمبرات مریضوں تک پہنچا دیئے جائیں گے ۔ اس طرح سے ڈائیلاسیس مریضوں کی راحت کے لئے تھانے مونسپل کارپوریشن اور رکن پارلیمنٹ نے ایک بڑا قدم اٹھا یا ہے